السلام عليكم 🖐🖐🌺
احبائي واهلنا الاعزاء...
🔴كلنا من نلبس ساعه او حلقه او سوار.. بالبدايه رح نحس نوعا ما اكو شي ثكيل ويطوق ايدينا .. بس ورا فتره بسيطه من نروح لمكان عملنا او نلتهي بالسوالف ويا اصدقائنا ... نكوم منحس ان احنا لابسين ساعه او حلقه او سوار باليد ...شنو السبب الي خلانا نفقد الاحساس بملمس هذه الاشياء لاجسامنا؟؟؟؟ ....
🔴مثال ثاني .. الي يدخن جكاير بكثرة ... يشتم ريحه الدخان بصورة جدا قليله مقارنه بشخص غير مدخن .. وبعض الاحيان ميحس بوجود الدخان داير مدايره ... كذلك الي يحط نوع واحد من العطور كل يوم .. ميشتم ريحه العطر لكن الشخص الي يكعد بصفه رح يميز العطر بصورة واضحه ولهذا نشوف بعض الاشخاص يبالغون برش العطر على الملابس لان يحس هو مخال اي عطور .. .... شنو السبب الي خلانا نفقد الاحساس بشم هذا الاشياء؟؟؟ ...
🔴شايفين اول منطفي ضوء الغرفه .. شلون نشوف الدنيا ظلمه .. ورا شويه نحس الروؤيا صارت احسن وبدينا نشوف اكثر... شنو تفسير هذه الحاله ؟؟؟
🔴دناكل فد اكله معينه وبيها فلفل حار .. اول لكمه رح تحس بحراره عاليه.. واذا استمريت بالاكل .. الاحساس بالحراره رح يقل ... شنو تفسير نقصان الاحساس بشعورنا بحراره الفلفل؟؟؟
🔥الجواب على الاسئله اعلاه ... هو sensory adaptation.. وبالعربي يسمو (التكيف الحسي)... طبعا لو نلاحظ هذه من نعم الله .. اتخيل ويايه كل لقمه من الاكله الي تحتوي على الفلفل الحار تشعر بها بنفس الحراره.. مستحيل رح تكدر تكمل اكلك... لان حراره الاكل رح تضايقك... من تلبس ساعتك بايدك رح تشعر بصورة مستمرة بشي يضايق ايدك ويحيطها واكو شي ثقيل بايدك ومستحيل رح يخليك مستمر بلبس الساعه فتضطر تنزعها ... فلهذا الله سبحانه وتعالى جعل للانسان خاصيه التكيف الحسي بحيث ورا فتره يقل احساسها للامور الي تحيط بي.... حتى يكدر يتعايش مع الامور الي ذكرناها ...
🔴شايفين مرات من نام بالغرفه ونسمع صوت البنكه او المكيف او المبرده ... يجوز تكون اصوات هذه الاجهزة عاليه بس مع هذا نام ... لكن اذا اشتغل السشوار بنفس الغرفه مستحيل نكدر نام ... كل هذه الاجهزة تصدر اصوات لكن كدرنا نام بوجود المكيف او المبرده او البنكه لكن مكدرنا نام بوجود السشوار ... تفسير هذه الحاله هو Habituation وبالعربي( التعود )... كلنا متعودين نام بوجود البنكه او المكيف لكن ممتعودين نام بوجود السشوار ..
🔴هذا كله من نعم الله سبحانه وتعالى على البشر بحيث جعل دماغ البشر يتكيف للامور الي تحيط بي ... اكو جزء ثاني للموضوع نحجي بي عن الالم ان شاء الله 😅😂..
حفظكم الله احبائنا الغاليين 🌳🌺
د.اسامه فلاح حسن
قناه العراق الطبيه
#Dr_Ausama
القياس:
1200 x 675
حجم الملف:
65.63 Kb
