IMG_4011

ولاية الفقية والسيد السيستاني. دائما ما يصير نقاش وجدال حول هذا الموضوع وهو انو السيد السيستاني ما يؤمن بولاية الفقيه وياخذها اغلب الناس سؤاء من مقلدين السيد السيستاني او من المتسترين بحجة تقليد السيد لمهاجمة الجمهورية الإسلامية الإيرانية وشخص السيد الخامنئي.النقاش بي قسمين منطق وفقه.المنطق يكول افضل شخص يحكم دولة هو الإنسان العارف بشرع الله و حدوده وهو(المجتهد) حتى تحقق العدالة و يتم الحفاظ على الإسلام وكيانه الى ساعة قيام دولة العدل الإلهي على يد صاحب العصر والزمان الامام المهدي(عجل الله فرجه).اما من ناحية الفقه يختلف او يتفق المراجع في كثير من المسائل ومنها مصطلح ولاية الفقية،هناك  مرجع ما يؤمن بيها انت كمقلد للمرجع مو من حقك تلغي ايمان باقي المؤمنين بولاية الفقيه لان اكو رأي لباقي المراجع.اما السيد السيستاني بالتحديد لان هو المرجع الاعلى للطائفة يؤمن بولاية الفقية حسب الفتوى وخلي مليون خط تحت (مقبولية عامة لدى المؤمنين) يعني مو يجي واحد ما يعرف يصلي لو ما يعرف شنو معنى مرجع يكول ما اريد حكم ولاية الفقية واني لازم اخذ برأيه .الرابط ادناه للتحقق من الفتوى https://www.sistani.org/arabic/qa/0755/