#اللي_ما_استشهد_بالجبهة_تگتله_الذكرياتهنا ضحكنا وي الشُهداءهنا طاحت علينا الهاونات و اللّي گبالي إنجرح و بقى يضحك !هنا ضربتنا القاذفة وانجرح الشّهيد أبو يوسف.هنا القناص صوّبنا و ردنا نستشهد. هنا طاحت علينا البمبه و الشّيخ تصوّب.هنا نص الليل و الدّنيا حارة واسمع واحد يصلح بالشلگه باوعت له طلع الشّهيد أسعد.هنا أسعد يراسلني يگلي سجاد إذا استشهدت تبچي عليّه !هنا سيّد رافد يگلي سجاد أدخلك تدريب و تعال جاهد و قبل استشهاده بيومين گلي مشتاق إلك.هنا الشّهيد الشيخ أحمد قنبري منعوه من الخطوط الأمامية و بقى يصيح و يگلي "سجاد آنه ما جاي علمود فلوس للجهاد، ليش يمنعوني !هنا الشّهيد عامر أبو زينب يگلي زوجتي اتصلت عليّه تگول كهرباء طگت و ماكو أحد يصلح إلنا الكهرباء و الجو حار.هنا عزمني أحد الشُهداء بالصيف و طلعنا نلتقط صور لبس ملابس شتوية و اجه ! صفنت و تيقنت ان صاحبي ما عنده ملابس صيفيه.هنا طلعنا آنه و إخواني نفتر بشوارع البصرة و الناس بالشوارع هنا سجلنا أسامينا و چنه نگول هلبت بوحدة من المكاتب تطلع أسامينا.هنا قبل إستشهاد منتظر بربع ساعة ضحك بوجهي و گال ان شاء الله الله يرزقني الشهادة و استشهد.هنا استشهد محمد و وگفت فوگ راسه گتله لبيك يا حسين لبيك يا حسين شِفت عيونه مفتوحة خليت إيدي على رگبته بس ماكو نفس.هنا محمد أبو الاتصالات قبل يومين گاعدين نتغده باوعتله شگد حلوة چانت ضحكته ، وره يومين استشهد گبالي.هنا انفجرت عبوة ناسفه على أبو محمد سايق الشفل و نزل بدون إصابه و هو صايم گال اليوم همّ مِشت و ما استشهدِت.هنا بشهر محرم شفت شاب لابس درع مال تشابيه بالجبهة گتله شنو هاي؟ گال كلّ محرم أمثل بالتشابيه و هالمرة لابس درع التشابيه و داخل معركه حقيقيه.هنا بشهر محرم شفت مُجاهد چبير بالعمر گال هنا طفّ كربلاء و الدور اللّي خذاه حبيب بن مظاهر بكربلاء آنه همّ أخذه هنا.•جزء قليل القليل مِن ذكرياتي ومشاهد مِن السنين السبعة الفائته."اللّي ما استشهد بالجبهة تگتله الذكريات". ___________________________ #قبسات لـ #سجاد_عبدالله_غالي#ذكرى_انطلاق_فتوى_الجهاد_الكفائي#الذكرى_السابعة#كل_عاشق_سالكا_سبيله
القياس:
1200 x 898
حجم الملف:
149.52 Kb
