IMG_0278

اسمك بالحصاد ومنجلك مكسور... مرات ينطبق علينه هالمثل لمن نقرأ الأدعية المعروفة " #دعاء_كميل، #الندبة، #عرفة...الخ" اسمك جاي تدعي، بس منجل تأثرك وعملك بمفاهيم الدعاء مكسور... غالبا وبسبب تعودنا على قراءة الأدعية بطريقة بعيدة عن التدبر والتأمل،ننحرم من آثارها على مستوى تصحيح وعينا وإدراكنا للأمور،أهل البيت (عليهم السلام) استثمروا الدعاء لأكثر من غاية، ومن أهم هذي الغايات، بناء جوانب كثيرة من المنظومة الفكرية للإانسان، من خلال المفاهيم المضمنة داخل الدعاء، بعض هذه المفاهيم متعلقة بالجانب الفردي للإنسان،وبعضها مرتبط بطبيعة علاقاته الاجتماعية ورؤيته للحياة، وأكثر من هيج حتى مواقفه السياسية ونظرته وتحليله للأمور...على سبيل المثال: #دعاء_الندبة اللي نقراه صباح كل جمعة، جزء كبير من الدعاء استعراض سريع وموجز لمجمل الحياة السياسية لأهل البيت عليهم السلام، وماجرى عليهم، هذا الجهاد في الساحة السياسية والاجتماعية أكيد إله امتداداته وأشخاصه إلى يومنا هذا، هذي الصورة من الصراع الدائم بين الحق والباطل اللي يعكسها دعاء الندبة لابد عناصرها موجودة اليوم، سواء عناصر الحق أو عناصر الباطل، وإلا تصير قرائتنا للدعاء عبث، أو بالزايد "فلكلور" من التراث، لا يسمن ولا يغني من جوع، ماله أي ربط بواقعنا... إذا" : المفروض نفكر ونبحث عن هذي الامتدادات، ونلكاها، ونتخذ موقف تجاه كل واحد منها، هيج يلا يصير الدعاء حي وإله أثر فعلي وحقيقي بحياتنه، وإلا يبقى مجرد لقلقة لسان، أو سوالف حلوة نقراها... باختصار شديد: الدعاء يبني شخصية الإنسان العارف المرتبط بالله، ومثل هيج إنسان ما ممكن تشوفه فد يوم بعيد عن جبهة الحق "لا بثقافته ومعتقداته، ولا بسلوكه الاجتماعي، ولا بموقفه السياسي" ولا راح تشوفه واكف على التل وماله شغل... وداائمًا تذكر أن أحد أعظم الثائرين في التأريخ وهو الحسين بن علي، هو نفسه صاحب مدرسة #دعاء_عرفة..._____________________________#قبسات لفضيلة الشيخ #علي_منيع