IMG_20211025_182823_517

"ما أوذي نبي مثلما أوذيت" كأنما النبي يريد يكول بهاي العبارة، إذا جنت حاسب نفسك على خط محمد وآل محمد، فهذا الخط خط الأذى والمشقة والتعب، الخط اللي بيه أذية حتى من أقرب الأقربين، إذا جنت بطريق محمد وآل محمد، لا تنتظر من الناس الـ"عفيه" والـ" عاشت ايدك" توقع المسبة والشتيمة والاتهامات الباطلة...ليش؟ لأن هذا الخط مابيه مجاملة على حساب دين الله، لأن مابيه نفاق لاستجداء رضا الناس، لأن مابيه خنوع أمام مستكبر خوفًا من بطشه وظلمه، لأن بهذا الخط ممكن تعادي الأهل والأحبة والعشيرة وتتخلى عن كل انتماء لما يتعارض مع الانتماء لله ولدين الله... الإمام السجاد يكول: اللهم صل على محمد ... كما حَارَبَ فِي رِضَاكَ أسْرَتَهُ،وَقَطَعَ فِىْ إحْياءِ دِينِكَ رَحِمَهُ، وَاقصَى الادْنَيْنَ عَلَى جُحُودِهِمْ، وَقَرَّبَ الاقْصَيْنَ عَلَى اسْتِجَابَتِهِمْ لَكَ، وَ والَى فِيكَ الابْعَدِينَ، وَ عَادى فِيكَ الاقْرَبِينَ..."اللي يهون كل هذا أنك كلما تحملت واحتسبت الأذى في سبيل الله،كلما صرت أقرب للتأسي والتشبه بالمحبوب، وكلما زاد هذا التأسي كلما كانت شخصيتك أقرب لشخصية النبي الأكرم...ودمتم على خطاه...____________________#قبسات 📝 #علي_منيع