حيدر بطل هاي السوالف واحترم نفسك ..حيدر العبادي .. اليوم أريد أحچي وياك طگ بطگ وبلا لف ودوران .. أنت تدري كلش زين أنا أياد السماوي عندي استعداد أشوف عزرايين ولا أشوف خلقتك لأسباب أنت تعرفها ، وعلى رأس هاي الأسباب جيبتك الكارثية لواحد أبن شارع تسلمه رئاسة جهاز المخابرات الي من خلالها قفز لمنصب رئيس الوزراء وصار الي صار ، وأنت جاي تشوف الثمن المؤلم الي دفعه الشعب العراقي ولا زال يدفعه بسبب جيبتك المصخمة .. هسه جنابك تريد تتآمر مرّة ثانية مثل ما تآمرت على زعيمك نوري المالكي من خلال رسالتك إلى المرجعية ، وتريد تعيد نفس السيناريو أنت وكم واحد وياك ؟ .. شوف حيدر أكو مثل يگول نجوم السماء أقرب إليك ، وأنا أگلك يا حيدر لو تطلع براسك نخلة وتحمّل رطب وناكل منها ، ما راح ترجع رئيس وزراء ، وعليه بطل هاي السوالف المكسرّة واحترم نفسك وكافي تآمر ، تره شعرات راسك حاسيبها وحدة وحدة ، ولا تخليني أكشف المزيد .. أدري ابتلينا خو ما ابتلينا جبتلك خمسة آلاف صوت وصعدت صرت نائب بأصوات المالكي وتآمرت على الرجال وسرقت منه استحقاقه الشرعي ، هسه بنائب واحد تريد ترجع تصير رئيس وزراء ؟ حيدر بطل هاي السوالف واحترم نفسك ..!!!
في ألبوم: صور يوميات كشف الحقيقة
القياس:
1280 x 1280
حجم الملف:
95.71 Kb
