08fd7909-de4f-40b2-a4fa-a402ec8d4cf0

عفرمن أبو ريكان ..تريد الصدگ أبو ريكان .. أنت هسه تستحق مو بس عفرمن بل لازم الجميع ينزعلك القبعات.. عمي هاي الحركة مال الاستقالة والله لازم تدرّس لطلاب العلوم السياسية ، حتى يعرفون شنو معنى فن الممكن .. عمي هي گوّه  ولد مشنتف ومشيطن وذكي ، والله يا أبو ريكان بهاي الخطوة مالتك اجبرت حتى أكثر الناس كرها لك وهو جنابي الموّقر على احترامك ، تدري ليش ابو ريكان لأن هي هاي السياسة لعبة الممكنات والسياسي هو اللاعب الي يدير هاي اللعبة بكفاءة ، وأنا أشهد لك أنك خير من أجاد هذه اللعبة طبعا بعد السيد أبو مسرور .. تدري أبو ريكان أنت بهاي الخطوة الذكية شنو أثبتت ؟ أثبتت أنّ الدهاء بالسياسة لا علاقة له بالعمر أو التجربة السياسية ، وإذا سألتني مثلا ممكن الجماعة يگلبون عليك ويقبلون استقالتك ويضربوك بوري معدّل ؟ أنا أگلك لا ما يگدرون ، وما راح يقبلون استقالتك أبدا ، ونت بهاي الحالة راح تصير مرشّح ائتلاف الدولة لرئاسة البرلمان ، وهم خلصت من منيّة السيد باعتباره هو الي جابك .. هذا الشغل المعدّل ، بلكت الجماعة يتعلمون منك شوية من هذا الدهاء .. عفرمن أبو ريكان .. تعجبني!!!