د.منذر العامري
عميد صيدلة المستنصرية
هذا الشخص إلي وياه موقف ما أنساه
قبلني إستضافة بجامعة المستنصرية من عرف أنو بابا منتمي لفرقة العباس القتالية بعد إن كان ميقبل إستضافات، بس قبلني إكرامًا للحشد
و بمختبر من المختبرات عاندت وياي إحدى التدريسيات أنو لازم أنزع العباية عند دخول المختبر ..
وكمت ما أدخل مختبرها لعدة أسابيع وطبعًا جنت اتصفر بس مامهتمة لأن جنت مستحيل أنزع العباية و خصوصا ادري ماكو داعي لهالشي خو شدنشتغل أحنا قابل ..حتى انزعها
وجانت دوم تهددني أنو تكول للعميد
فحاجيته للدكتور على الفيس كتبتله الموضوع برسالة وحدة وكالي تعاليلي باجر الصبح للعمادة بكذا ساعة..
دخلت قابلني بإبتسامة ابوية حسيتها كلها إكبار لموقفي وإعتزاز ..
وخبرني أنو زوجته ايضًا صيدلانية وترتدي العباءة الزينبية ..
كتبلي ورقة بالسماح بدخول المختبرات بالعباءة و كلي رح تعانين هوايه من هالموضوع بالمستقبل.. كان حديثه وياي بمنتهى الإحترام والإكبار.
البارحة إنصدمت بخبر إصابته بالفايرس 💔
تأثرت جدًا بس مابيدي غير الدعاء،
اهواي نحتاج وجود هيج ناس بهيج مواقع بعد أن تكالبت الدنيا علينا وعلى كل شيء إسمه دين ..
اللهم إشفه بشفائك وداوِه بدوائك وعافِه من بلائك بحقّ مُحمدٍ وآله.
_نقلاً عن صاحبة الموقف.
اما انا بأسمي اطلب من كل مؤمن غيور على الدين والستر والعفاف الدعاء لهذا الرجل المؤمن المخلص بالشفاء
دعواتكم للدكتور الفاضل ولكل المرضى بالشفاء العاجل.
دعاء الغريب للغريب في ظهر الغيب مستجاب ان شاء الله وولظاعي اجر وثواب ودفع بلاء عنه وعن اهله وعياله
في ألبوم: صور يوميات Maleka ali
القياس:
960 x 960
حجم الملف:
114.65 Kb
