شایفین من تاكل اكله دسمه مثلا باجه اهلنا الله يحفظهم متعودين يكلولك راح نسويلك جاي ثخين .. دائما اهلنا يحبون الجاي ورى الاكل الدسم ويحبذونه ثخين .. زين اكو ربط بالموضوع ؟! اي بلي اكو ربط..الجاي يحتوي على مادة الكافايين (caffeine ) وهاي مادة الكافايين شنو شغلها ؟؟ شغلها تروح تعطل عمل مادة تفرزها الاعصاب المحيطة بمعدتك (اسمها الادينوسين) طبعا مادة الادينوسين وضيفتها تقليل من افراز الحامض بالمعدة .. يعني بالنهاية من تشرب جاي راح الكافايين يروح يعطل عمل الادينوسين وبالتالي الادينوسين فقد قدرته على التقليل من افراز الحامض بالمعدة يعني بالنتيجة الحامض (HCL ) بالمعدة يزداد افرازه وهذا الحامض اله دور كبير بتفتيت الياف اللحوم الي نتناولها ممايؤدي الى تسهيل الهضم ... ولذلك الي عدهم قرحة ماننصحهم الاكثار من الچاي ..طبعا هذا مو معناه ننصح بشرب الشاي دائما بعد الاكل مباشرة لانه يسبب نقص بامتصاص الحديد وانما ممكن تشربة بعد الوجبات الدسمه ..د خالد دهان اختصاص ادوية وسموم
في ألبوم: صور يوميات صحتي❤️
القياس:
1094 x 750
حجم الملف:
689.01 Kb
أعجبني (14)
جارٍ التحميل...
alghasaq
زين اذا كان الچای خفيف اصفر اللون قد يكون نفس عمل الچاي الثخين لو اقل
وشرب الخفيف ايضا مضر بالصحه وعلى عمل الحديد🤔
2
2
2
Maleka ali
اكيد يكون تأثيرة اقل لان تركيزة قليل و الجاي تأثيرة على امتصاص الحديد الي باللحوم ضعيف بالمقارنة مع تأثيرة على امتصاص الحديد الي بالخضروات او البقوليات
1
1
1