🌸وجعل بينكم مودة ورحمة🌸

تسجيلات الأعجاب

تراتيل الانتظار

Aaaaabbash

Abo remas

المزيد

🌸وجعل بينكم مودة ورحمة🌸

166 الإعجابات

تاريخ إنشاء الصفحة: آذار 29, 2020

أعجبني

الإبلاغ عن منشور/تعليق

تعليق اليوميات

🌸وجعل بينكم مودة ورحمة🌸

حزيران 13, 2020 10:33 pm

الكذب عند الأطفال سلوك إيجابي لو سلبي؟ زين هو الطفل يعرف بنفسه ديكذب لو لا؟ طبعا كلنا نجزم بأن الكذب شي سلبي وسلوك مو مقبول لكن تدرون أكو أنواع بالكذب... كذب سلبي وكذب إيجابي...... عرض المزيدالكذب عند الأطفال سلوك إيجابي لو سلبي؟ زين هو الطفل يعرف بنفسه ديكذب لو لا؟ طبعا كلنا نجزم بأن الكذب شي سلبي وسلوك مو مقبول لكن تدرون أكو أنواع بالكذب... كذب سلبي وكذب إيجابي... شنو يعني كذب إيجابي وشنو كذب سلبي؟ الكذب الإيجابي مرتبط بالإبداع والخيال وما بي هدف لتمويه الحقيقة أو التنصل من مسؤولية مثلا الطفل يكعد يسولف لك شلون هو بنى مركبة فضائية وراح لفلان مكان وشلون هو ساعد فلان حيوان، أو إنه يسرد حدث ما صار بسبب محبته لشخص ما مثلا أني شفت جدو يطير مثل الأبطال الخارقين هنا الطفل هو نفسه غير مدرك إنه الي ديگوله واقع لو خيال هنا ما ممكن نعتبره سلوك سلبي لأنه يغذي الأبداع والخيال عنده، نفس الشي لما تحچيله قصة ومن يعيدها يگلب أحداثها ويوظف أشخاص وأحداث غير الي ذكرتيها، هذا النوع من الكذب جيد وتقريبا يدركه الطفل بعد السبع سنوات ويبدي يفرق بين الحدث الي صار فعلا وبين الحدث الي هو إختلقه... زين الكذب السلبي شنو؟ الكذب السلبي ويسموه إيضا بالكذب المرضي لأنه ينتج بسبب البيئة غير المناسبة، الطفل يموه الحقيقة حتى لا يعنف أو يدعي أنه سوة فد شغلة سواها طفل غيره حتى يحظى بالإهتمام ويلفت الأنظار له وهذا النوع من الكذب ينتج بسبب المقارنة والتفضيل فالطفل حتى يحظى بنفس إهتمام الطفل المفضل يضطر يكذب وهذه الحالة ما تتعالج إذا ما تم تغيير البيئة وممكن هذا النوع من الكذب يستمر حتى بعد ما يغادر عمر الطفولة وهنا الموضوع راح يترسخ بشخصيته... مثال على هذا شايفين أكو أشخاص بالغين يكذبون بس ما نگدر نكشفهم وحتى أجهزة كشف الكذب ما تكشفهم لأنهم يتعاملون مع الحدث بإيمان كامل يعني (يچذبون الچذبة ويصدگوها). فلو طفلك كان عنده نوع الكذب السلبي حاولوا تغيرون بيئته وترفعون المؤثر الي ديجبره على الكذب سواء تعنيف أو عقاب أو مقارنة أو تفضيل. #بيتونة من كتاب #سر_الطفولة

عرض أقل