#ثقف_نفسك
اليوم موضوعنا صاير عند اغلبكم اذا مو كلكم 😄
#النوم_و_حلم_السقوط
⚫ اغلبنا اذا مو كلنا من نحاول انام ،
اول ما نبدي نغفي فجأه نحلم لو دنوكع من مكان عالي😱
لو تصير رعشه بأطراف جسمنه وبالاخص الرجل 😑!!
⚫ هذه الحاله اسمها Hypnic Jerks ( رعشه النوم )
يا ترى شنو سببها وليش تحدث 🤔
- العلم اختلف بتفسيرها بس راح اسولفلكم الي دارج حاليا
⚫ هاي الحاله تصير من انت تكون صاحي wakeful state
وفجأه تغفى sleep state
كلنا نعرف من تنام راح ↘️↘️
- يقل معدل التنفس
- تقل نبضات القلب
- ترتخي العضلات والاوعيه الدمويه
وبالتالي الاوكسجين الواصل للدماغ يقل
- هنا العقل مراح بترجمها على انه انت نمت
وانما عباله انت على وشك ان تفقد حياتك (( عافانا الله واياكم ))
لان كلكم تعرفون النوم اشبهه بالموت (( حيث تقل المعدلات الحيويه لادنى نسبه )) .
فبهاي الحاله العقل راح يسوي رده فعل حتى يخليك تصحى
ردات فعل تختلف منها ↘️↘️
- احساس بالسقوط
- تقلص العضلات وخصوصا عضله القدم
- رده فعل عصبيه مثل الرعشه تصير بأحد اطراف الجسم
- عن طريق الحلم وكأنما انت تسقط من مكان عالي
هاي كلها ⬆️⬆️ راح تخليك تفز وتكعد
وبالتالي تزيد معدلاتك الحيويه ( التنفس ونبضات القلب والدوره الدمويه ) حتى يرجع الوضع طبيعي .
(( نعمه بسيطه جدا من نعم الله علينا انه يحميك حتى في نومك ))
⚫ احيانا هاي الحاله تصير بكثره عند الاشخاص الي ↘️↘️
- يمارسون الرياضه قبل النوم
- يشربون المشروبات المنشطه وبالاخص الكافيين
- التوتر
- الحالات العصبيه
- قله النوم
فحتى تقلل من هل شي وتنام مرتاح لازم ↘️↘️
- ممنوع التمارين الليليه
- ممنوع شرب اي شراب منشط بالليل
- حاول اطفي الضوه من تنام
- وحاول لا تفكر بمشاكلك النفسية
🔴 وبالاخير
هاي الرعشه ( hypnic jerk ) تكون طبيعيه عند كل الاشخاص ومتعني انه انت مصاب بمرض او عندك خلل او شي ،
ولكن اذا تلاحظها تصير بأستمرار وبشكل متكرر يفضل تراجع دكتور حتى نقطع الشك باليقين 😁
وسلامتكم إن شاء الله
#ودمتم_سالمين
#Mohammed_Khader
كم واحد صايره بي خلال هذا الاسبوع 🤔
وكان مسوي احد الاسباب الي ذكرتها خلال اليوم ؟!
القياس:
300 x 218
حجم الملف:
24.27 Kb
