محمد إبراهيم حجاج
قصيدة كنت فاكر
... عرض المزيدمحمد إبراهيم حجاج
قصيدة كنت فاكر
كنت فاكر ان قلبي له مكان في زنازينك
وانه مسجون بس فيكي
وانتي عارفه انه شاريكي
بس بتكابري ورايحة لناس في الأصل مش زرعة نبتة في وسط طينك
وأنهم من برة حاجة ومن جوه مستعبطينك
يإما حذرتك يابنتي ابعدي وانتي مش سامعة الكلام
من وراكي يدبروا وانتي حابة طب اي النظام؟
ياعيني علي القلب اللي كان من جوا ابيض من زمان بس يا خسارة اتقلب
صار بلون اسود و حبي كان يحارب فيه بس اتغلب
كأني كنت انا الأتب
كأني كنت المرار في وسط عناقيد من العنب
كأني كنت انا المرض اللي سببلك تعب
كأني كنت باب موارب وأتقفل لما رياحهم هبت وصارت صوب
كأني كنت بلح ممرر وهم البلح الرطب
أنا كنت بمشي في الشوارع اللي كنتي بتبقي فيها
أيوة فاكر ذكريات عمري في يوم ما هكون ناسيها
بس أنتي اللي نسيتيها
عمري يوم ما هنسي قهوة زقاق ومبنى
كنا نمشي فرحانين في العيون من الفرحة سبنا
عمري ما هنسي يوم ميلادك واني كنت في يوم سمادك يروي الزرع اللي يطرح وردة في تربتك
عمري ما هنسي ضحكتك
كنتي انتي ليا بيت كنت عايش جنتك
كنت أحب اشوف عيونك لما نتقابل سوا
عمري ما هنسي في يوم جنونك وأن كان بينا هوا
عمري ما هنسي أن يوم قلبي اكوي
كنت بيكي انا مريض وانتي كنت لي دوا
لسه باقي علي العهود والإمضا اللي أيديكي بصمتها علي البنود
لسه علي أمل الرجوع
لسه قلبي ما خدش طوع انه ينسي سنين حنينك
#محمد_ابراهيم_حجاج
