عبد الله رجب أبو عدنان
زمن الجدعان
عبدالله رجب ابوعدنان... عرض المزيدعبد الله رجب أبو عدنان
زمن الجدعان
عبدالله رجب ابوعدنان
كنت فاكر نفسي جدع
وكل اللي حوليا م الجدعان
صاحبي صحى فيا الوجع
بعد ما غدر وخان
كان يجيني ويدمع
بشوق اخدو ب الاحضان
زمن الجدعان خلاص
بعد ما ضاع الإخلاص
متشكرين يا سيد الناس
علمتني الغدر على أصولو
اللي ف جيبي كان ف جيبك
واكتر حد داريبك
فاجأتني ب الاعيبك
ازاي العيش و الملح يخونو
اسكت يا مان خليك ف حالك
مش لاقي كلمة اقولهالك
والغدر ليك عنوان
أنا قلبي فاض بيه
من غدر الصحاب
الصاحب الجدع راحت عليه
وسط المصالح داب
الفلوس دايما تنادية
وانا حزني مكتوب ف الكتاب
زمن الجدعان خلاص بح
الراجل التمام الصح
يا عيني معدش ليه مكان
بعت ليه ب الرخيص
فضل كام من الفلوس
على أعز صاحب تدوس
اة يا دنيا خسرت الرهان
ما تفكرنيش ب أحزاني
انا بقيت واحد تاني
خرجت كتير من حياتي
وانا الكسبان
لأول مرة احسبها
واحارب الدنيا و اغلبها
بطلت خلاص الاعبها
واللي مش عاجبه براحتو
انا زماني صالحتو
زعلتو ولا فرحتو
انا الفنان
انا نجم النجوم تملي
بغربالي اغربل ما اخلي
نفسي من المرار أحلي
وبا ستيكة مسحت أي جبان
زمن الجدعان راح
وزادت الجراح
لو طلبو ف يوم السماح
اقدم اعتذار على بوابة الزمان
زمن الجدعان.
عبدالله رجب ابوعدنان
